मुसिकोट नागरपालिकाको संक्षिप्त परिचय

नेपालमा एकात्मक राज्य शासन प्रणाली हुदा रुकुम जिल्लाको मुख्य  बजार केन्द्र रहेको खलंगा गा.वि.स. सदरमुकाम  र साँख गा.वि.स मिलाएर एक नगरपालिका २०७१ मंसिर १६ गते मन्त्रिमण्डलको निर्णयबाट स्थापना भएको  हो । त्यसपछि नेपालको सङ्घीय शासन प्रणाली अनुरूप  नेपालको संबिधान २०७२ को धारा २९५ को उपधारा (३) बमोजिम गठित गाँउपालिका, नगरपालिका, स्वायत्त, संरक्षित  वा बिशेष क्षेत्रको नाम, संख्या तथा सिमाना निर्धारण आयोगको सिफारिसमा बनेको ७५३ वटा स्थानीय तह मध्यको एक हो । ६ नम्बर प्रदेश अन्तर्गतको रुकुम (पक्ष्चिम ) जिल्लामा पर्ने यो मुसिकोट नगरपालिका  साविकको खलंगा, सांख,  चौखावाङ, भलाक्चा, छिवाङ गा.बि.स. तथा स्यालापाखा गा.बि.स.को वडा नम्बर ३ र ४ मिलेर यस नगरपालिका बनेको छ । पूर्वमा सिस्ने र भुमे गाउँपालिका, पश्चिममा सानीभेरी गाउँपालिका, उत्तरमा वाँफीकोट गाउँपालिका र दक्षिणमा त्रिवेणी गाउँपालिका र रोल्पा जिल्ला रहेको यस नगरपालिकामा १४ वटा वडा रहेका छन् भने यसको क्षेत्रफल १३६.६ वर्ग कि.मि. रहेको छ ।  वि.स. २०१८ सालमा देशलाई १४ अंचल ७५ जिल्लामा विभाजित गरिएपछि सल्यान, जाजरकोट र रोल्पा जिलाहरुबाट केहि भागहरु निकाली छुट्टै जिल्लाको रुपमा अस्तित्वमा आएको यस जिल्लाको पुरानो सदरमुकाम (बि.स. २०१८ देखि २०३० साल सम्म) रुकुमकोटको नामबाट राखिएको पाईन्छ । नेपालमा संघिय राज्यसहितको शासन प्रणालीको सुरुवात भय संगै बि.स. २०७३ सालमा रुकुम जिल्लालाइ दुइ भागमा रुकुम पूर्व र रुकुम पश्चिम गरि बिभाजन गरियो हाल रुकुम पुर्बी भागमा सिस्ने गाँउपालिका, भूमे गाउँपालिका र पुथा उत्तरगंगा गाँउपालिका गरि तिन स्थानीय तह रुकु पश्चिम भागमा मुसिकोट नगरपालिका, आठबिसकोट नगरपालिका , चौरजाहारी नगरपालिका, बाँफिकोट गाउँपालिका, त्रिबेणी गाउँपालिका, त्रिबेणी गाउँपालिका र सानीभेरी गाउँपालिका गरि ६ स्थानीय तह रहेका छन् ।

मुसिकोट नगरपालिकाको प्रोफाइल

मुसिकोट नगरपालिकाको सम्पूर्ण प्रोफाइल हेर्नको लागि ......